Passíusálmarnir, gyðingahatur, þingmenn og RÚV

Hér á Vantrú höfum við oft bent á gyðingahatrið í Passíusálmunum. Við höfum einnig hvatt til þess að flutningi þeirra á RÚV yrði hætt. Það sæmir ekki siðmenntaðri þjóð að útvarpa gyðingahatri. Sérstaklega í ljósi þeirrar löngu sögu ofsókna sem gyðingar hafa þurft að sæta í Evrópu af hendi kristinna manna. Ekki skánar það þegar þingmenn lesa upp Passíusálma á hverju ári. Hvaða skilaboð eru þau að senda?

Þingmenn lesa Passíusálma

Hallgrímur Pétursson

Nokkuð hefur verið rætt um lestur þingmanna á Passíusálmunum. Sitt sýnist hverjum. Þetta er fyrst og fremst einkenni á stærra vandamáli sem er sambúð ríkis og kirkju. Í mínum huga er það prinsippatriði að trú og stjórnmál séu aðskilin. Það er engan vegin eðlilegt að sem þingmenn taki þessir kjörnu fulltrúar þátt í trúarathöfnum.

Nú má ekki misskilja mig. Mér er sama um trúarskoðanir þingmanna en viðhorf þeirra til aðskilnaðar ríkis og kirkju og mannréttinda skiptir mig miklu. Ég vil frekar sanntrúaðan hvítasunnumann sem blandar ekki saman stjórnmálum og trú á þing heldur en trúleysingja sem liggur flatur fyrir kirkjunni í vinsældarleit. Á sama hátt er ég alveg sáttur við að þeir sem fóru reglulega í kirkju áður en þeir fóru í stjórnmál haldi því áfram en ekki að menn byrji að ástunda slíkt af því að þeir telja slíkt hluta af stjórnmálastarfi sínu.

Enn eru Passíusálmarnir þjóðarskömm

Ég ætla hér aðeins að taka upp baráttumál Frelsara vors hér á Vantrú. Ég hef verið að lesa yfir viðbrögð við greinum hans um Passíusálmana og má til með að benda á eitt lítið atriði:

Passíusálmarnir eru þjóðarskömm II

Grein mín "Passíusálmarnir eru þjóðarskömm" hefur vakið upp viðbrögð á meðal nokkurra guðfræðinga og langar mig að svara gagnrýni þeirra. Flestum er ljóst að kynþáttahatur er smánarleg lífsskoðun. Þegar upp kemst um kynþáttahatur þá snertir það samvisku hvers manns og hvetur til sterkra viðbragða. Þar gilda engar afsakanir og yfirhylmingar heldur er nauðsynlegt að takast á við slíkan málflutning umbúðalaust. Passíusálmar séra Hallgríms eru einfaldlega uppfullir af kynþáttahatri eins og ég sýndi fram á í grein minni.

Passíusálmarnir eru þjóðarskömm

Það er engin launung að Hallgrímur Pétursson bræddi saman sína stílsterku Passíusálma af mikilli þrautseigju. Þessi ljóðabálkur er slík langavitleysa að lesturinn reynist mörgum frekar passía en ánægja. Margir dotta því við lesturinn og einnig eru þeir til sem lesa verkið blindaðir af ljósi Krists. Sökum þreytu eða guðsótta áttar fólk sig ekki á því að innihald þeirra er best varðveitta þjóðarskömm okkar Íslendinga. Ég er viss um að ef stofnun Simon Wiesenthal fengi þýðingu af sálmunum í sínar hendur þyrftu ýmsir að biðjast opinberlega afsökunar.