Valkvæm gagnrýni nýjatestamentisfræðinga

Nýlega birtist í Fréttablaðinu greinin “Var Jesús til?” eftir Rúnar M. Þorsteinsson prófessor í nýjatestamentisfræðum við guðfræðideild Háskóla Íslands. Í greininni skrifar Rúnar gegn þeim sem segja að maðurinn Jesús hafi ekki verið til, svokölluðum “mýtumönnum".

Ófræðilega forsendan

Guðfræði er fræðigrein sem stunduð er innan trúar. Trúin er gefin forsenda hennar, þannig að sá sem leggur stund á guðfræði, hefur gefið sér tilvist guðs sem forsendu (eða a.m.k. hafa honum verið gefnar þær forsendur fyrirfram, af öðrum lærðari mönnum).

Rúnar Már Þorsteinsson, prófessor við guðfræðideild HÍ, í Er guðfræði vísindagrein? í Orðinu frá árinu 1994.

Ekki skjóta sendiboðann

Nýlega lenti ég á spjalli um rökræðulistina. Þar minntist ég á skrif tiltekinna einstaklinga um Vantrú og tilsvör þeirra í okkar garð þegar háskólamálið stóð sem hæst. Ég talaði um hvernig þetta fólk hefði einatt hatterað okkur háðslega, ekki síst þegar bent var á rangfærslur í skrifum þess. Ætlun mín var að benda á þann annmarka rökræðunnar þegar fókusinn er tekinn af því sem til umræðu er og í staðinn farið að gera lítið úr viðmælandanum með spotti og yfirlætislegum hroka. Ég tók líka fram að ég hefði fylgst með skrifum þessa fólks áður en háskólamálið kom upp og fundist þau oft og tíðum bæði skynsamleg og rökvís.

Aprílgabbið var ekki gabb

Fréttin okkar frá því í gær gat hugsanlega hljómað eins og aprílgabb, en raunin er sú að þetta var allt satt og rétt. Á nýloknu kirkjuþingi voru sett fram drög að að samningi milli Guðfræði- og trúarbragðafræðideildar HÍ og þjóðkirkjunnar. Stundum er sannleikurinn lyginni líkastur og það er vissulega ótrúlegt að við Háskóla Íslands skuli vera starfræktur prestaskóli ríkiskirkjunnar.

Ríkiskirkjan og guðfræðideild semja um kennslu

Vantrú hefur áreiðanlegar heimildir fyrir því að ríkiskirkjan ætlar að gera sérstakan samning við guðfræði- og trúarbragðafræðideild Háskóla Íslands. Samningurinn felst í því að ríkiskirkjan mun beinlínis borga fyrir kennslu í deildinni. Við höfum oft bent á það hversu óeðlilegt það er að hafa sérstakan “prestaskóla ríkiskirkjunnar" við Háskóla Íslands. Nú verður sá skóli virkilega að veruleika.