Í dag, hinn svokallaða föstudaginn langa, 6. apríl klukkan 14:00 mun Vantrú standa fyrir bingói á Austurvelli.
Í verðlaun verða 2. sería Penn & Teller: Bullshit! og fallegir bolir með merki Vantrúar.
Tekið verður við frjálsum framlögum. Þeir sem gefa 100 krónur eða meir fá gefins bingóspjald. Allur ágóði rennur til góðgerðarmála.
Gott framtak hjá ykkur. Látum af helgislepjunni sem hefur umlukið þennan dag. Við trúum ekki öll á Guð og viljum fá að eyða þessum degi eins og hverjum öðrum eftir eigin höfði.
Stórsniðugt framtak, en ég frétti af því áðan, annars hefði ég gert hlé á sjálfshýðingunni og mætt. Ég vona að löggan hafi komið og sýnt með því hversu mikið óréttlæti bannið er gagnvart þeim sem engan áhuga hafa á pínu frelsarans eða trúmálum yfirleitt.
Ekki heldur ónýtt að geta unnið hina frábæru þætti með Pen og Teller.
Æi nei, ég sá þetta ekki fyrr en rétt núna, ég hefði hugsanlega mætt þarna. Kannski spurning að auglýsa þetta aðeins fyrr næst. :P En jæja.
Stórgott framtak. Ég vona að þið hafið verið handteknir. Ekki amalegt ef það tekst að sýna fólki fram á að það býr ekki í frjálsu landi.
Já, það á að afnema þennan frídag fyrir þá trúlausu. Senda ykkur bara í vinunna og vona bara að þið hættið þessu endalausa væli. Þið eigið fullann rétt á því.
Lögreglan mætti ekki þrátt fyrir að löghlýðinn borgari hafi látið vita af lögbrotinu.
Því miður var þetta ákveðið með alltof stuttum fyrirvara. Við ætluðum að leigja sal en fengum ekki. Þegar við sáum hve vel viðraði ákváðum við í morgun að halda þetta úti við í Austurstræti.
Já, það á að afnema þennan frídag fyrir þá trúlausu. Senda ykkur bara í vinunna og vona bara að þið hættið þessu endalausa væli. Þið eigið fullann rétt á því.
Það mætti endilega leyfa okkur að ákveða sjálf hvenær við viljum taka frí í stað þess að neyða okkur að taka það á helgidögum Þjóðkirkjunnar. Eða fyndist þér sanngjarnt ef sumarfríið þitt yrði stytt og þú neyddur til þess að taka það frí í staðinn á helgidögum múslíma og ásatrúarmanna?
Hættu svo þessu væli! ;)
Já, það á að afnema þennan frídag fyrir þá trúlausu. Senda ykkur bara í vinunna og vona bara að þið hættið þessu endalausa væli. Þið eigið fullann rétt á því.
Ég fékk að halda minni vinnurútínu óraskaðri af þessum kristna slepjudegi á mínum vinnustað. Ég var þar, sjálfur trúleysinginn, í makindum á þreföldum taxta.
Það er náttúrulega hræsni Kári, með því ertu að viðurkenna helgi hans, hefðir átt að krefjast þess að vera á einföldum taxta ;)
Að 'viðurkenna helgi hans'?
Er ég ekki frekar EKKI að 'viðurkenna helgi hans' með því að halda ótrauður minni rútínu?
"það er engin hræsni að fara eftir lögum þessa lands"
Svona ólög gera ekkert gagn og eru þannig í eðli sínu að erfitt er að virða þau, líklegast er að þau dragi frekar úr virðingu almennings fyrir landslögum ef eitthvað er. Lög sem framkvæmdarvaldið sér ekki ástæðu til að hegna okkur fyrir að brjóta á að afnema. Ef að landslög bera engan keim af svona skrípaleik þá eru meiri líkur á því að lögbrot séu í öllum tilvikum litin alvarlegu auga.
Mikið hefði ég annars sjálf viljað vera á réttu landshorni í dag til að geta mætt í bingó.
Lögreglan hefði gert sig og þessi lög að athlægi með því að stöðva Bingóið, en í gærkvöldi stöðvaði hún víst glens á Nasa. Nú hljóta eigendur Nasa að bjóða upp á Bingó næsta langa föstudag við undirleik Trúleysingjanna.
Það var víst ekki lögreglan sem stöðvaði dansleikinn á Nasa, það var misskilningur. Hið rétta er að Nasa mátti ekki hafa tónleika lengur og þurfti að hætta. Lögreglan mætti því ekki á svæðið, en Nasa neyddist til að hætta í miðju fjöri. Svona næstum því það sama :-)
Lögreglan lét ekki sjá sig á Austurvelli í dag, en ók framhjá torginu bæði áður en bingó hófst og eftir að því lauk. Þeir pössuðu sig bara á því að halda sig fjarri meðan þetta "lögbrot" var í gangi, því vissulega hefði það litið kjánalega út ef þeir hefðu farið að skipta sér af þessu sárasaklausa athæfði sem þó er bannað með lögum.
Æi, þið eigið svo bágt. Af hverju voruð þið ekki bara í vinnu þennan dag fyrst ykkur leiðist svona frí? Ég geri ráð fyrir að þið spilið bingó alla daga ársins, þannig að ég vil endilega mæta í bingó hjá ykkur í dag. Hvar verður það í dag? Annars, lesið bara pistilinn hans Guðmundar Steingríms aftan á Fréttablaðinu í dag og slappið af.
Eru sunnudagar almennt ekki ómögulegir í ykkar augum?
Helgi
Er bannað að spila bingó á sunnudögum? Það eru aldeilis nýjar fréttir.
Merkilegt þegar fólk sem almennt sér forsjárhyggju í hverju horni hefur ekkert við það að athuga að allir landsmenn, óháð trú hvers og eins, séu skikkaðir til að "hafa hljótt" þessa tilteknu daga með ýmsu móti til þess að meðlimir eins trúfélags geti stundað íhugun og bænahald.
Nú ætla ég að gefa mér það Helgi að þú sért ekki múslimi og eftir því sem ég veit best þá er Guðmundur það ekki heldur og í ljósi þess vil ég setja upp ímynduð lög í landinu sem skikka alla til að halda Ramadan heilagan eins og þeir, af virðingu við trú þeirra.
Á meðan Ramadan stendur yfir þá mættu Íslendingar þá ekki borða, drekka, reykja eða stunda kynlíf frá sólarupprás til sólarlags. Væri það ekki bara hollt fyrir okkur að breyta til og taka okkur frí frá óhófinu sem við leyfum okkur í þessum efnum alla aðra daga?
Það að þú ert alinn upp við einhverja tiltekna siði gerir þá ekki sjálfkrafa eðlilega fyrir alla aðra til að beygja sig undir og sætta sig við.
Það er vel hægt líka að hafa yfirlýsta frídaga, samanber t.d. 17.júní, 1.maí og verslunarmannahelgina án þess að blanda trú inn í þá. Ég er persónulega ekki á móti því að fá frí en það sem er óeðlilegt við páskana er það að það á að neyða helgislepjuna sem fylgir kristninni yfir á alla landsmenn óháð trú þeirra. Slíkt er trúfrelsið á Íslandi á dag.
Undarlegt að þurfa að útskýra jafn sjálfsagðan hlut og trúfrelsi út í þaula fyrir upplýstu og vel menntuðu fólki sem segist vera fylgjandi því.
Einstaklega flott framtak - eins og Vantrú er von og vísa. Það að löggæsluyfirvöld stöðvuðu ekki framtakið segir annaðhvort a) að þetta hafi verið álitið "saklaust" grín og því ekki "lögbrot" í sjálfu sér eða b)að löggan hafi ekki lagt í það...
Það er annars með ólíkindum að ákveðinn trúarhópur skuli hafa getað hreiðrað svo um sig innan stjórnkerfis samfélagsins að þeir geti ákveðið fyrir aðra hvað sé bannað og leyft á ákveðnum dögum og stuðst við lög og reglur!
MÁL AÐ LINNI!
Mér finnst þetta frábært Bingó hjá ykkur og svo virðist vera sem að fyrrum mótmæli ykkar séu að bera árangur. Að minnsta kosti bætast sífellt fleiri skemmtanir við á þennan dag hvað sem öllu tautar og raular.
Ég hef ekkert á móti fríi og myndi gjarnan vilja halda föstudeginum langa inni sem frídegi. Það sem ég er hins vegar mótfallinn er bannið við skemmtanahaldi á þessum degi. Það er það sem er verið að mótmæla. Ekki það að við trúleysingjar getum annað hvort unnið á þreföldum taxta eða sofið út eftir hentisemi. Ég hef ekkert á móti því, en lögin gegn því að fólk hittist saman á frídegi og skemmti sér eru fasísk.
Því miður sá ég mér ekki fært að mæta, en mér finnst þetta einstaklega skemmtilegt framtak hjá ykkur.
En með frídaga að þá hef ég tekið eftir því að "veraldlegir" frídagar eru sífellt að minnka en þeir trúarlegu fá að standa óáreittir, þegar skera þarf af frídögum landsmanna að þá fá þeir "veraldlegu" alltaf að fjúka á undan þeim trúarlegu. Persónulega finnst mér Fullveldisdagurinn 1. des mun merkilegri dagur en Hvítasunnan eða Skírdagur. Að mínu mati ætti þróunin að vera öfugt, við ættum að fella þessa trúarlegu frídaga út (ekki alla í einu) og halda þá annarsskonar hátíði og fagna fleiri þjóðlegum dögum.
Ég er hjartanlega sammála síðasta ræðumanni, væri ekki betra að halda í merkisdaga sem hafa einhverja þýðingu fyrir okkur öll, eins og til dæmis fullveldisdaginn. Svo finnst mér tilvalið að hafa frídaga kennda við fjölskylduna. Að rækta tenglslin við fjölskylduna finnst mér mun gáfulegra en að rækta tengslin við einhverja yfirnáttúru.
Leiðinlegt að missa af þessu. Ég drakk sjálfur minni hinna krossfestu og vel það í teiti núna á föstudaginn.
Lokað hefur verið fyrir athugasemdir við þessa færslu. Við bendum á spjallið ef þið viljið halda umræðum áfram.
Brynjólfur Þór Guðmundsson - 06/04/07 15:14 #
Synd að ég skildi ekki sjá þetta fyrr en svona seint.