Passið ykkur í dag!

Ráðlegging frá okkur: Ekki trúa öllu sem þið heyrið! Í dag mun hópur fólks reyna að ljúga og blekkja í tilefni dagsins. Segja ótrúlegar sögur sem flestir ættu að vita að eru í raun ósannar, en trúa samt í einhverju hugsanaleysi.

ps. Já og svo er líka 1. apríl. Passið ykkur einnig á því.

Vantrú gefur út "Um júðana og lygar þeirra" (Fyrsta apríl gabb)

Vantrú er stolt að kynna nýjustu útgáfu sína, Um júðana og lygar þeirra eftir dr. Martein Lúther. Bókin er hornsteinn lútherskrar guðfræði og veitir þvílíka innsýn í hugarheim Lúthers og þeirrar þýsku hefðar sem hann byggði upp og aðrir uppfylltu. Félagið seldi nýlega lénið biblia.is til erlends biblíufélags og með því fjármagni höfum við náð að prenta nógu stórt upplag af bókinni til að senda á hvert bókasafn í landinu, bæði almenningssöfn og skólasöfn enda er þekking á hugmyndum Lúthers forsenda siðmenningar á Íslandi.

Bókin kostar 3990 kr. í lausasölu og má panta í gegnum netfangið vantru@vantru.is

Hér að neðan má finna brot úr þýðingunni, lokaorð XI kafla:

Hver verða trúarbrögð framtíðar á Íslandi samkvæmt Útvarpi Sögu?

Samkvæmt könnun á Útvarpi Sögu, sem við ætlum að taka mikið mark á, aðallega vegna þess að niðurstaðan styður við okkar málstað, mun trúleysi vera ríkjandi lífsskoðun Íslendinga framtíðarinnar. Því ef marka má ákveðna gárunga þá eru kannanir þessa fjölmiðils marktækar í mörgum tilfellum, eða sýnir í það minnsta ríkulega vísbendingu, um ýmislegt, fordómafullt. Þó er ansi auðvelt að skekkja þessar kannanir sér í hag og þarf enga sérstaka gráðu í eldflaugavísindum til þess, en einhver kunnátta hjálpar. Meira segja við í Vantrú gætum gert það.

Lögbann á bingó Vantrúar

Síðdegis mánudags ákvað sýslumaðurinn í Reykjavík að verða við beiðni Biskupsstofu þess efnis að lögbann verði sett á hið árlega bingóhald félagsins. Ástæðan er sögð vera sú að áætlaður fjöldi bingógesta á Austurvelli muni líklega trufla helgihald við Dómkirkjuna og stríði því gegn helgidagalöggjöfinni. Lögfræðingar félagsins vinna að því að hnekkja lögbanninu en allt bendir til þess að hætt verði við hið árlega bingó. Þetta sannar endanlega hversu fáránleg helgidagalögin eru.

Velkomin í Vantrú

Á síðasta stjórnarfundi ákvað stjórn Vantrúar að frá og með 1. mars verði allir Íslendingar skráðir í Vantrú. Þú, kæri lesandi, verður því meðlimur í Vantrú, fjölmennasta félagi landsins, nema þú skráir þig sérstaklega úr félaginu.